სოფელ პერევში უფასო სამედიცინო აქცია გაიმართა

#ჩვენვზრუნავთთქვენსჯანმრთელობაზე

ა (ა).ი. პ. ორგანიზაცია ,,ქართული ოცნება -ჯანმრთელი მომავლის“ პრეზიდენტის ქეთევან ბარათელის ინიციატივით  უფასო სამედიცინო აქცია გაიმართა საჩხერის მუნიციპალიტეტის ე.წ. საზღვრისპირა სოფელ პერევში. აქციაში მონაწილეობა მიიღეს: თბილისის სახელმწიფო უნივერსიტეტის პირველმა საუნივერსიტეტო კლინიკამ, კლინიკამ ,,ვივამედი“, სამედიცინო ცენტრმა ,,გასტროენტეროლოგი“, ისრაელ-საქართველოს ერთობლივმა  კლინიკამ ,,გიდმედი“, ჟვანიას სახელობის პედიატრიის აკადემიურმა კლინიკამ და ქართული ოცნება-ჯანმრთელი მომავლის ექიმებმა. აქციის მონაწილეებს შემდეგი პროფილის ექიმები უწევდნენ სამედიცინო გამოკვლევებს: თერაპევტი, ნევროლოგი, კარდიოლოგი, ენდოკრინოლოგი, ოფთალმოლოგი, გინეკოლოგი, ექოსკოპისტი, მამოლოგი, უროლოგი, ზოგადი ქირურგი, სისხლძარღვთა ქირურგი, ალერგოლოგი, გასტროენტეროლოგი, ვენერო-დერმატოლოგი, რევმატოლოგი, პედიატრი და ოტო-რინო-ლარინგოლოგი. უფასო სამედიცინო გამოკვლევები მიიღეს სოფელ პერევის მიმდებარე სოფლების მოსახლეობამ და ვეტერანებმა.

 სოფელ პერევში გამართულ უფასო  სამედიცინო აქციას შეუერთდნენ საქართველოს პარლამენტის წევრები გიორგი ვოლსკი და დიმიტრი ხუნდაძე, ვეტერანთა საქმეთა სახელმწიფო სამსახურის დირექტორი ვლადიმერ იმნაძე, საჩხერის მაჟორიტარი დეპუტატი პაატა კვიჟინაძე და ადგილობრივი ხელისუფლების წარმომადგენლები.