სიახლეები - საჩხერის მუნიციპალიტეტი - sachkhere.gov.ge
:+ 995 435 221300

სიახლეები

საჩუქარიკულტურული მემკვიდრეობის დაცვის ეროვნული სააგენტოსგან

- 13/02/2018



საქართველოს კულტურული მემკვიდრეობის დაცვის ეროვნულმა სააგენტომ საჩხერის მუნიციპალიტეტის მერიის კულტურის სამსახურს წერილობითი მიმართვის საფუძველზე საჩუქრად წიგნები გადასცა.

19 დასახელების 60-ზე მეტი გამოცემა კულტურული მემკვიდრეობის თემაზეა, ნუსხაშია ისეთი წიგნები, როგორიცაა: ,,ტურინის სუდარის ზუსტი ასლი ახალქალაქში’’, ,,საქართველოს კულტურული მემკვიდრეობა’’, ,,ძეგლთა რეაბილიტაცია საქართველოში“, ,,ატენის სიონი’’, ,,ძველი ხელოვნება“, ,,ნიკო ფიროსმანაშვილის სახელმწიფო მუზეუმი“, ,,უფლისციხის ისტორიულ-არქიტექტურული მუზეუმ-ნაკრძალი“ და სხვა.

აღნიშნული ლიტერატურა მერიის კულტურის სამსახურის პროექტში - ,,ჩემი სოფლის კულტურული მემკვიდრეობა“ - მონაწილე სკოლებსა და მუნიციპალიტეტის ცენტრალურ ბიბლიოთეკას გადაეცემა, 
საქართველოს კულტურული მემკვიდრეობის ეროვნული სააგენტო საჩხერის მუნიციპალიტეტის მერიასთან თანამშრომლობას ამ კუთხით მომავალშიც აპირებს.